Presidenti i Turqisë, Recep Tayyip Erdogan tha se Perëndimi nuk mundet t’i durojë përpjekjet e Turqisë veçanërisht në Ballkan. Deklarata e tij u bë në një konferencë për shtyp me homologun serb Aleksandër Vuçiç.
“Perëndimi nuk mund ta durojë qëndrimin e Turqisë posaçërisht në Ballkan, nuk i duron hapat, iniciativat dhe përpjekjet e Turqisë. Pavarësisht nëse i duron apo jo, ne i realizojmë në mënyrë intensive ato që mundemi në Perëndim dhe Ballkan përmes TIKA-s. Veçanërisht, ne japim të gjitha përpjekjet tona për rigjallërimin dhe ndërtimin e monumenteve historike. Ne do të vazhdojmë t’i bëjmë këto edhe në të ardhmen“, tha Erdogan.
Ai tha se projekti i autostradës mes Beogradit dhe Sarajevës është para së gjithash projekt i paqes dhe zhvillimit.
Ndërkohë, presidenti i Serbisë, Vuçiç deklaroi seTurqia është forca më e madhe në Ballkan dhe shteti më i fortë. Është me rëndësi çfarë mendon Turqia.
