Fusha e energjisë në Shqipëri po shihet me interes të madh nga kompanitë e Greqisë, ndërsa Korporata Publike e Energjisë greke, po mendon për hapjen e filialeve të saj në Shqipëri, ku në bazë të përllogaritjeve kjo fushë rezulton të jetë me interes të madh-shkruan Tirana Today.
Kjo koorporatë po sheh mundësinë e blerjes së një kompanie në Maqedoni, pasi në tregun grek konkurrenca sa vjen dhe zvogëlon hapësirat për veprim ekonomik.
Diskutime mes Greqisë dhe Maqedonisë në lidhje me çështjen e emrit tashmë kanë hyrë në një fazë të rëndësishme, sa edhe bizneset greke, po krijojnë platforma të reja investimesh, kryesisht në fushën e energjisë-shkruan Tirana Today.
Grupi EDS u themelua në vitin 2012 dhe ka filiale në Serbi, Sllovaki dhe Kosovë dhe PPC njoftoi të enjten se blerja është në fazat e fundit, duke u bërë pjesë e planifikimit strategjik të ndërmarrjeve greke që parashikon zgjerimin e mëtejshëm të saj në Ballkan.
“Duke pasur parasysh se planet PPC-së nga tregu grek dhe zvogëlimin e pjesës së tregut, menaxheri i këtij grupi, Manolis Panagiotakis po i jep përparësi lëvizjeve të jashtme dhe një lëvizje drejt fushave të reja të veprimtarisë, qoftë në mënyrë të pavarur ose në bashkëpunim me të tjerët. Në të njëjtin kontekst, gjiganti i fuqisë po vazhdon me krijimin e filialeve në Shqipëri dhe Turqi”–shkruan Ekathimerini.
Grupi i EDS-së është anëtar i Shkëmbimit Hungarez të Energjisë Elektrike dhe mban licenca për tregtimin e energjisë në Serbi, Kosovë, Kroaci, Bullgari dhe Hungari.
Gjithashtu ky grup është pjesëmarrës kyç në pjesën e liberalizuar të furnizimit me energji në shtetin e Maqedonisë, ndërsa zotëron 40 për qind të tregut të kompanive, ndërsa punësimi është në nivele shumë të larta. Kjo rrit premisat për një të ardhme akoma më të suksesshme jo vetëm në Maqedoni, por synimet e saj drejt Shqipërisë, mund të japin një fryt edhe më të madh për ekonominë shqiptare. PËRSHTATI TIRANA TODAY
