Drejtori i Komunikimit në Kryeministri, Endri Fuga, ka ironizuar aleancën mes Partisë Demokratike dhe Lëvizjes Socialiste për Integrim, me faqen e parë të gazetës ‘RD’ nga viti 2013.
Në faqen e parë të numrit të ‘RD’-së, organ pranë PD-së, Fuga ka rrethuar me të kuqe njërin prej titujve, ku shkruhet “Koordinatori i LSI-së kapet me 11 zarfe me lekë për blerje votash”.
Në postimin e tij në Twitter, ai shkruan se kjo është histori e vjetër, lidhur me akuzat për blerje votash. “Koordinatori i LSI-së kapet me 11 zarfe me lekë për blerje votash”, është shkrimi që daton në 24 qershor 2013.
“Histori e vjetër kjo e akuzave për blerje votash. Faqja e parë e @RDgazeta në datën 24 Qershor 2013, kur paralajmëronte fitoren e thellë të PD në zgjedhje”, shkruan Endri Fuga, bashkëngjitur materialit në fjalë.
