Një nga emrat e rinj në listën e kriminelëve më të kërkuar në Belgjikë, në qershor të vitit 2017 është dëbuar për në Shqipëri. Bëhet fjalë për 33-vjeçarin shqiptar Safet Rustemi, i cili ka qenë në qendër të debatit politik dhe mediatik ditët e fundit në Belgjikë, por edhe në vendin tonë.
Politikania belge Meryame Kitir është shprehur se është “e pabesueshme”, mënyra se si ai u largua nga Belgjika për në Shqipëri. Më tej ajo ngre pyetjes se: “Sa kriminelë kanë dëbuar Belgjika në këtë mënyrë pa ndonjë garanci, ose pas gjyq apo burg? Pse duhet dikush që dëbohen menjëherë pa u marrë një vendim përfundimtar”. Javën e kaluar, Safet Rustemi 33 vjeçare u shtua në listën ‘më të kërkuarve të Belgjikës’, lista e kriminelëve të arratisur të kërkuar nga forcat e policisë belge.
Por krimineli më i kërkuar shqiptarë në Belgjikë u dëbua nga vetë policia, e cila sot e ka shpallur në kërkim.
“Safet Rustemi u shpall fajtor për herë të parë në vitin 2015 dhe për herë të dytë në 2017, sipas informacionit në dosjen e tij. Në të dy herët ai u la i lirë pasi ai ka paguar shumë prej 25,000 euro. Por ai nuk kishte leje qëndrimi për në territorin belg”, tha Dominique Ernould, zëdhënëse e Departamentit të Emigracionit. “Në qershor të vitit të kaluar ai u dëbua nga vendi nga vetë policia, dhe duke iu ndaluar që të hynte për tre vjet në Belgjikë”.
https://tiranatoday.com/emriky-eshte-bosi-shqiptar-me-i-kerkuar-ne-belgjike-lidhjet-e-tij-me-deputetin-e-ps-se/
“Fluturimi i paguar nga Belgjika”
Por kjo situatat ka rebeluar politikanët në radhë të partive opozitare. “Me një fluturim të paguar nga Belgjika, por pa asnjë garanci burgimi, ai u dërgua në Shqipëri. Sot emri i tij del në listën e më të kërkuarve, ndërsa Zyra e Imigracionit ishte në dijeni të padive të vazhdueshme. Policia e nxjerr atë jashtë vendit, dhe pastaj shërbimet e Ministrit të Brendshëm e kërkojnë atë. Kjo është e pabesueshme”, ka thënë politikania Meryame Kitir.
Burimi: hln.be
Përshtati: Tirana Today
