Është bërë i mundur arrestimi i Klevis Jaupajt, 33 vjeç, pasi aksidentoi një shtetas në aksin rrugorë Elbasan-Librazhd, në fshatin Labinot. Ngjarja ka ndodhur në datën 1 mars, ku banori i zonës, me iniciale I.B 67 vjeç u përplas për vdekje nga 33-vjeçari.
Arrestimi i tij u bë i mundur nga specialistët e Sektorit të Qarkullimit Rrugor, në komisariatin e Elbasanit.
Në njoftimin e policisë së Elbasanit thuhet, “është arrestuar Klevis Jaupaj, 33 vjeç banues në Tiranë. Ndalimi i tij u bë, pasi më datë 1.03.2018 në aksin rrugor Elbasan – Librazhd në fshatin Labinot Fushë, duke drejtuar një mjet tip “BMW” ka aksidentuar me pasojë vdekjen këmbësorin, shtetasin I.B., 67 vjeç banues në fshatin Labinot Fushë.”
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” dhe “Largimi nga vendi i aksidentit”.
