Një atentat ka ndodhur në Shkodër ndaj një 50-vjeçari. Persona ende të paidentifikuar, të cilit ishin me motor, kanë hapur zjarr ndaj shtetasit Alban Luka, 50-vjeç. Ky i fundit ndodhej në makinën e një kushëriri teksa po ecte në rrugën e Darragjatit të njësisë Dajç, bashkia Shkodër.
Nga hetimet e para njoftohet se ai është qëlluar nga disa persona me motor, rreth orës 7:00 të mëngjesit. Gjithashtu bëhet e ditur se Lukaj ka shpëtuar pa marrë asnjë plumb, e ndërsa në mjet janë gjetur 11 plumba. Alban Lukaj ka deklaruar se nuk ka konflikte dhe nuk e ka idenë e këtij atentati ndaj tij.
