Përfaqësuesi i posaçëm i Kombeve të Bashkuara për bisedimet Maqedoni-Greqi për çështjen e emrit, do të qëndrojë në Shkup për një vizitë maratonë, katër ditore.
Sipas deklaratës së KB-së, Methju Nimic vjen në Shkup me ftesë të Qeverisë së Maqedonisë me qëllim që të diskutohet për mënyrat për arritjen e përparimit me ndërmjetësim të KB-së për gjetjen e zgjidhjes së pranueshme të përbashkët lidhur me çështjen për emrin.
Në deklaratë thuhet se me ftesë të Qeverisë së Republikës së Greqisë, është parashikuar që Nimic të shkojë në Athinë, menjëherë pas vizitës në Shkup.
Përfaqësuesi i posaçëm i KB-së në bisedat mes Maqedonisë dhe Greqisë, për herë të fundit i vizitoi të dy vendet në fund të korrikut të vitit 2014.
