Zbardhet emri i personit i cili arriti që t’i shpëtonte operacionit të policisë ditën e sotme, në zonën e ”Varrit të Bamit” në kryeqytet, pasi dyshohej se ishte i përfshirë në trafikim të lëndëve narkotike. Mësohet se personi në fjalë, është Altin Gega.
Gega ishte brenda makinës së tij të llojit “Benz” me xhama të zinj në momentin që u rrethua nga forcat e policisë.
Makina luksoze u ndalua nga Forcat Speciale, të cilët i kërkuan shoferit që të hapte derën, por ai u largua me shpejtësi, duke rrezikuar jetën e tyre. Gega u kap pak orë më vonë, pas ndjekjes nga efketivët.
Pamjet e këtij operacioni, u filmuan nga gazetari i News 24 Ergys Gjençaj, por u bënë shkak për incidentin me policinë, pasi u shtri në tokë dhe u trajtua si bashkëpunëtor. Me gjithë ndërhyrjet e gazetares Klodiana Lala, policia e ka mbajtur për disa minuta gazetarin përmbys me duart pas koke.
Po ashtu gjatë aksionit të sotëm, raportohet se janë ndaluar edhe 3 persona të tjerë por nuk dihen detaje të tjera
