Një ngjarje e rëndë mësohet të ketë ndodhur në Sarandë, teksa një person është gjetur i vdekur në dhomën e një hoteli.
Viktima është identifikuar si Janaq Rajdho, 63 vjeç, lindur në Derviçan dhe banues në Fier. Ai punonte si doganier në Doganën e Qafë-Botës, ndërsa raportohet se kishte katër ditë që ishte shpallur në kërkim.
Dyshohet se vdekja e tij ka ardhur si pasojë e një ataku kardiak. Ndërkohë policia ka shkuar në vendngjarje dhe ka nisur hetimet.
