Roland Bicerri është efektivi i FNSH-së që humbi jetën ditën e sotme, pasi i biri 7-vjeçar e qëlloi me armën e shërbimit të tij.
Ngjarja ka ndodhur rreth orës 13:25 në zonën e Saukut, pranë Kopshtit Zoologjik, ku djali ka qëlluar babanë e tij me armën e shërbimit, duke i shkaktuar vdekjen.
Bicerri ka qenë në një bilardo në këtë zonë duke luajtur me miqtë e tij. Djali në këtë moment ka marrë armën nga çanta e të atit dhe në këtë moment e ka shprehur pa dashje.
Grupi Hetimor dhe shërbimet e Policisë ndodhen në vendngjarje dhe vijon puna për sqarimin e plotë të rrethanave të ngjarjes.Veprimet hetimore po kryhen nën drejtimin e Prokurorit, nga SHÇBA dhe strukturat hetimore të DVP Tiranë.
