Policia ka arrestuar një person, i cili dyshohet se ka lidhje me atentatin ndaj prokurorit Arjan Ndoja. Bëhet fjalë për shtetasin Redjan Rraja. Ai rezulton të jetë kushuri i deputetit të Partisë Socialiste, Rrahman Rraja.
Arrestimi i tij është bërë pas aksionit blic nga FNSH dhe RENEA, që u shtri në disa qytete të ndryshme, Fushë-Krujë, Durrës, dhe Tiranë.
Kujtojmë se nga atentati i ndodhur pak ditë më parë, mbetën të plagosur prokurori Ndoja, Andi Maloku dhe Aleksandër Laho. Ky i fundit njihet si “Rrumi” i Sukthit.
