Ata u dënuan me një vit e gjysmë, por dënimi për ta është pezulluar, pasi “rezultuan të pastër”, dhe tashmë janë lënë nën arrest shtëpie.
Kjo do të jetë masa e sigurisë për dy nga tre hajdutët e kapur mesnatën e të martës të cilët grabitën dhe dëmtuan një restorant në Altopascio.
Anëtari i tretë i grupit, i cili nuk ishte në gjendje të mirë shëndetësorë është shtruar në spital dhe ditët në vijim do të dalë në gjyq.
Ata ishin tre shtetas shqiptarë , të identifikuar si: Florian Merdita Florian, 43-vjeç banues në Montecalvoli, ndodhet i shtruar në spital dhe vendimi për të nuk është marrë ende.
Ndërsa dy shqiptarët e tjerë, Emirjan 31 vjet me vendbanim në Santa Croce, dhe Ilmi Llani, 36 vjet me vendbanim në Santa Croce janë lënë nën arrest shtëpie.
Të tre u kapën vetëm disa minuta larg nga shtëpia. Hajdutët kishin vënë në shënjestër një restorant- piceri në rrugën Il Laghetto del Valico, në pronësi të Andrea Massi di Montecatini.
Ishte ora 4:30 e mëngjesit të së mërkurës, kur alarmi po binte.
Menjëherë policia e Lucca u vu në lëvizje dhe gjurmoi hajdutët që kishin goditur restorantin dhe kishte kontrolluar zonën. Por jo shumë larg vendngjarjes një makinë kishte marrë vëmendjen e tyre. Në bordin e saj ndodheshin tre shqiptarët, bashkë me një pjesë të mallrave të vjedhura, duke përfshirë disa enë.
Banditë, kishin hyrë në restorant dhe kishin marrë çfarë kishin gjetur, duke përfshirë gota dhe enë si dhe rreth tridhjetë kile ushqime, mish etj. Por, ndërsa ata po përgatiteshin që të ushqeheshin ata u kapën nga policia.
Burimi: Altopascio.info
Pështati: Tirana Today
