Një protestë është organizuar në Francë, e cila kishte për qëllim mbrojtjen dhe strehimin e emigrantëve. Aktivistë të disa shoqatave janë ngritur në tubim duke kërkuar zgjidhje për emigrantë të cilët jetojnë në rrugën Rennes, ku instaluan tenda në Sheshin e Republikës, në shenjë proteste, shkruan portali francez letelegramme.fr. 
Ata instaluan tri çadra, në Sheshin e Republikës, i cili ishte një veprim simbolik dhe një mesazh për autoritetet.
Protesta u organizua për t’i bërë thirrje autoriteteve për mungesën e vendeve në qendrat e akomodimit, e për pasojë emigrantët detyrohen të flenë në rrugë.
“Për dy javë, të gjitha shoqatat janë të zhytura plotësisht nga kërkesa për strehim për shkak se nr.115 nuk ka zgjidhje për ta,” ankohet Armelle Bounya, presidente e një shoqate.
Më tej në fjalën e saj ajo shprehet se: “Po kërkojmë më shumë vende për strehimin emergjent dhe hapjen e një qendre pritëse, e cila duhet të rrijë hapur gjatë gjithë vitit, pavarësisht nga gjendja administrative”.
Pasi u refuzohet mundësia e strehimit nëpër qendrat e azilkërkueseve ata përfundojnë në rrugë. Në fund të gushti dhjetëra familje që ishin strehuar në një hotel u dëbuan nga aty.
Brunilda, një nënë shqiptare, flet e dëshpëruar. “Ku do flemë sonte?”, është pyetja e saj e cila nuk mbushej dot me frymë pasi ishte e mbytur nga lotët. Prej tre ditësh ajo bashkëshorti i saj dhe dy fëmijët e tyre flenë në një park.
Po ashtu është edhe Birki dhe burri i saj, nga Shqipëria kanë të njëjtin hall. Ndërsa bisedojmë me ta, një kalimtar ndërpret bisedën tonë. “Shqipëria konsiderohet një vend i sigurt, ata nuk kanë asgjë për të bërë këtu, ata nuk janë sirianë”, thërret qytetari nga Rennes. Birki thërret, duke paraqitur një ankesë, se ajo në vendlindjen e saj është goditur dhe kërcënuar me vdekje nga mafia lokale.
Pas instalimit të çadrave, dhjetëra njerëz rrinë në Sheshin e Republikës. Aktivistët kanë planifikuar një mbrëmje me koncerte dhe fjalimeve.
