Në qershor të vitit 2017, Guardia di Financa shkatërroi një grup italo-shqiptar të trafikut ndërkombëtar të lëndëve narkotike, ndërkohë që kishte sekuestruar më shumë se 3.5 ton kanabis, vlera e të cilës në treg, përllogaritet rreth 35 mln euro.
Bëhet fjalë për një organizatë prej 14 personash, mes të cilëve edhe katër shqiptarë, të gjithë të arrestuar, që operonte në Brindisi.
Grupi kriminal kryente transport, shpërndarje, shitje dhe dorëzim të lëndëve narkotike, kryesisht të marjuanës që vinte nga Shqipëria.
Sipas mediave italiane, shqiptarët e vënë pranga ishin, Vaso Mekshi, 39 vjeç, Shefik Muho 33 vjeç dhe Leonard e Emilian Bufi, 36 dhe 31 vjeç.
Drejtoria e Antimafias së Leçes kishte nisur hetimet për këtë grup që në gusht të 2016-ës, ndërkohë që gjatë operacioneve janë sekuestruar edhe armë dhe municione.
Sipas hetuesve, të cilët kanë sekuestruar edhe 2 mjete lundruese, përveç Adriatikut dyshohet se trafikantët kanë përdorur edhe rrugë tokësore për transportimin e hashashit nga Shqipëria drejt Italisë.
Por tashmë lidhur me këtë bandë drejtësia italiane kërkon 70 vjet burg për dhjetë të pandehur.
Kështu ka menduar orët e fundit anti-mafia në seancën paraprake.
Dënimi më i lartë është kërkuar për Gianfranco Contestabile, 49 vjeç nga Brindisi, që konsiderohet kreu i bandës që do të merrej me transportin e marihuanës nga deti, duke pasur kontakt me shqiptarët. Ndaj tij është kërkuar 15 vjet.
11-vjet është kërkuar për Rosario Fioretti, gjithashtu nga Brindisi, i cili konsiderohej si “njeriun i besuar” I Contestabile.
Nga 10-vjet burg u dhanë për Luca Sabetta, 38 vjeç, nga San Pietro Vernotico dhe Andrea Esposito, 53 vjeç, nga Brindisi.
Ndërsa 9-vite burg janë dhënë për Shefik Musho, 33 vjeç, i lindur në Shqipëri dhe banues në Arezzo.
3 vjet e gjysmë, plus 7.500 euro gjobë, për Attilio Di Bello, 57 vjeç, nga Brindisi.
Ndërsa 3-vite, plus gjashtë mijë euro gjobë secilit, ishte kërkesa për dënim për dy persona të tjerë po nga Brindisi Pino De Simone, 68-vjeç, dhe Damian Libardo, 70 vjeç, banues në Lecce, si dhe për dy vëllezërit shqiptarë Leonard Bufi, 36 vjeç, dhe Emilian Bufi, 31 vjeç. Tani gjithçka që mbetet është të pritet vendimi i gjyqtarit në Brancato, gjyqi i caktuar për 3 korrik.
Ekipi i mbrojtjes është i përbërë nga avokatët: Maria Gabriella Mastrolia, Cosimo Leoci Luca, Francesco Cascione, Paola Giurgola, Gianvito Lillo, Ladislao Masari dhe Pantaleo Cannoletta.
Burimi: Brindisireport.it
Përshtati: Tirana Today
