Nga sot, Bledi Çuçi do të jetë ministri i ri i Brendshëm. Ky vendim është njoftuar nga ana e kryeministrit Rama.
Kreu i qeverisë ka vendosur Bledi Çuçin si Ministër të Brendshëm, që do të pasojë Sandër Lleshajn në këtë detyrë.
Po kështu, Milva Ikonomi do të jetë ministre Bujqësie. Rama shprehet për këta dy emra se janë bashkëpunëtorë të përkushtuar në çdo detyrë që kanë kryer këto vite.
“Sot do të dërgoj për dekretim nga Presidenti, Bledi Çuçin si ministër të brendshëm dhe Milva Ikonomin si ministre bujqësie; dy bashkëpunëtorë të përkushtuar në çdo detyrë që kanë kryer këto vite, me integritet, profesionalizëm dhe kulturë qytetare e politike të padyshimtë”, shkruan Rama në Twitter.
