Policia e Tiranës ka arrestuar 3 persona të cilët dyshohen se janë përfshirë në pengmarrjen e shtetasit Jak Prenga në Kamëz.
Bëhet me dije se në pranga kanë rënë Bajram Hajri, Olsi Turja dhe Elton Hajri. Gjithashtu në lidhje me këtë ngjarje janë shpallur në kërkim shtetasi Leonard Hajri dhe 6 persona të tjerë.
Prenga dyshohet të jetë marrë peng, pas konflikteve të vëllait të tij me një grup kriminal në Shijak për mos dorëzimin e një sasie kokaine.
49-vjeçari Jak Prenga, u mor peng në Kamëz më datë 17 janar, nga 2 persona të paidentifikuar, të cilët lëviznin me një makinë Range Rover të bardhë. Polica nëpërmjet kamerave të sigurisë gjurmoi lëvizjet e tyre deri në hyrje të Fushë-Krujës.
