Operacioni “Forca e Ligjit” ka vënë në shënjestër sot dy të dënuar të tjerë. OFL bën me dije se i ka dorëzuar formularët për deklarimin e pasurisë shtetasve Astrit Keçi dhe Astrit Balliu.
Keçi u arrestua në 2018 bashkë me Shkëlqim Sufjen pasi kishte prej 20 vitesh në kërkim. Ai është dënuar nga Gjykata e Pisas në Itali për trafik të lëndëve narkotike.
Ndërsa Astrit Avdylaj është dënuar nga Gjykata e Durrësit për vrasje me paramendim. Avdylaj është kreu i bandës kriminale të ‘”Avdylajve” në Shijak si dhe i njohur për lidhjet që ka ai në Durrës.
Njoftimi i policisë:
OFL, 26 shkurt Vijon operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji.
Në këtë kuadër, OFL u ka dërguar kërkesat për vetëdeklarim të pasurisë, shtetasve: A.B., banues në Shijak, dënuar nga Gjykata e Rrethit Gjyqësor Durrës, për veprën penale “Vrasja me paramendim”; A. K., banues në Shijak, dënuar nga Gjykata e Pisas, Itali, për veprën penale “Trafikim i narkotikëve”; Më pas, përgjigjet e marra do t’i dërgohen SPAK-ut, për veprime të mëtejshme.
Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse. Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.
