Operacioni Forca e Ligjit u ka dërguar ditën e sotme formularin e deklarimit dy personave me precedentë penalë në Kukës.
Por kush janë këto dy “shënjestra” të radhës të OFL-së?
Bëhet fjalë për Zejnel Meçen, banues në Kukës, i dënuar me 10 vjet burgim nga Gjykata e Rrethit Gjyqësor Tiranë, për veprën penale “Vjedhja me pasoja të rënda” dhe Bujar Ajetin.
Ky i fundit është banues në Kukës, i dënuar nga Gjykata e Rrethit Gjyqësor Pukë, për veprën penale “Vjedhja me armë”, e kryer në bashkëpunim.
Këta individë, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
