Tre ditë më parë në Itali u arrestuan tre shqiptarë, të cilëve iu sekuestruan 4 ton kanabis. Sasia e drogës u kap nga Guardia Di Finanza në jahtin e drejtuar nga Flamur Mema. Ndërkohë, mediat italiane raportojnë se shqiptarët e tjerë të arrestuar janë Erinaldo Mezhika dhe Elidon Vladi.
Flamur Mema është pronari një peshkarexhe në Durrës. Hetuesit dyshojnë se lënda narkotike mund të jetë transportuar në det të hapur me mjete lundruese si gomone apo skafe. Dje Guardia di Finanza publikoi pamjet filmike të ndjekjes se jahtit me 4 ton drogë sekuestruar prej tyre. Jahti që mbante flamur amerikan mësohet të ketë qenë 17 metra. Autoritetet italiane madje publikuan edhe fotot e shqiptarëve 54 vjeç, 28-vjeç dhe 26 vjeç.
Nëse do të hidhej në treg vlera e marijuanës do të arrinte 100 milionë eurove. Pasi u ndoqën për disa orë 3 shqiptaret u dorëzuan. Mjeti ankorua në Bari ku u shkarkua lënda narkotike nga policia italiane. Policia po punon fort për të zbuluar klanin mafioz që do t’i shkonte kjo ngarkesë.
Çdo pako me marijuanë kishte një ngjyrë të ndryshme për të dalluar pritësit e mallit, pra që mund të jenë nga klane të ndryshme mafioze.
