Historia e trishtë e 5 jetimëve nga Lezha ka sjellë reagime të shumta nga shqiptarët.
Pas ndarjes nga jeta të kryefamiljarit, Davja dhe 5 fëmijët e saj vuanin për bukën e gojës. Çdo ditë, Besajda, vetëm 13 vjeç, shkonte te tregu i rrobave dhe lutej të punonte, pasi ditët më shumë i kalonin duke ngrënë bukë të thatë. Po ashtu rrezikonin të dilnin mes katër rrugëve, pasi nuk kishin mundësi të paguanin qiranë.
Në një kohë shumë të shkurtër, fondacioni “Fundjavë Ndryshe” arriti të sigurojë një shtëpi për familjen Dizdari. E cila tashmë nuk do të përjetojë më makthe dhe gjithçka do të nisë nga fillimi.
Stafi i fondacionit i ka siguruar edhe një punë Daves, e cila tashmë nuk do të jetë më vetëm për rritjen e 5 fëmijëve. Kjo pasi “Fundjavë Ndryshe” do të vazhdojë t’i qëndrojë pranë kësaj familjeje për çdo nevojë.
