Rreth 39.634 emigrantë të parregullt janë zbuluar në Itali gjatë këtij viti, rreth 15 për qind më shumë në krahasim me 2016-n. Lombardia dhe Puglia janë dy rajonet me më shumë riatdhesime të emigrantëve pa dokumente, përkatësisht 3765 dhe 4375 persona. Më pas vjen Lazio me 2174, Sicili 1593 dhe Piemonte 1436.
Të dhënat globale të dëbimit të emigrantëve ilegalë u siguruan nga ministri i Brendshëm italian, Marco Minniti. Ndërkohë u bë kthimi pas në vendet e tyre të origjinës të rreth 17.405 emigrantë.
“Sole 24 Ore” ka publikuar tabelën e emigrantë të kthyer, sipas territorit dhe kombësisë. Siç shihet edhe nga tabela, e cila ka të dhëna nga 1 janari e deri më 15 tetor 2017, Shqipëria zë vendin e parë me më shumë shqiptarë të kthyer mbrapsht nga Italia, me 7502. Më pas vjen Tunizia me 1660 persona. Vendin e tretë e zë Monaco me 995, e cila ndiqet nga Moldavia me 686 emigrantë.
Pavarësisht politikës, kontrasti i emigrantëve të parregullt është në rritje. Deri më 15 tetor të këtij viti, të huajt e larguar ishin 16.388, por nga raporti i ministrit Minniti në Parlamentin italian më 5 nëntor u rrit me 6.2%, një mijë më shumë.
Gjithashtu kthimi i emigrantëve ilegalë nuk është i lehtë, pasi mund të ketë pengesa me disa shtete që nuk janë aq të prirë për të bërë marrëveshje ripranimi. Njëkohësisht pengesë është edhe mungesa e qendrave të kthimit që operojnë vetëm në Bari, Brindizi, Caltanissetta, Torino dhe Roma. /TIRANA TODAY/
