Në krye të Autoritetit të Mbikëqyrjes Financiare është emëruar Ervin Mete.
Kujtojmë se ky i fundit më herët mbante postin e zëvendësministrit të Financave.
Vendimi në fjalë është marrë ditën e sotme në mbledhjen e Këshillit të Ministrave.
Mete është liruar nga detyra e zëvendësministrit të Financave në 22 maj të 2017-ës, ndërsa në shtator të vitit që lamë pas ishte në krye të Bordit të AMF-së.
Tashmë Ervin Mete do të drejtojë AMF-në, duke i zënë vendin Ervin Koçit, të cilit i mbaroi mandati.
Ervin Koçi, u emërua në këtë post më 6 prill 2017, pas shkarkimit të drejtueses së këtij institucioni Enkelejda Shehi.
Përpara se të emërohej si kreu i AMF-së, Koçi ka qenë deputet i Partisë Socialiste.