Ambasada e SHBA-ve ka reaguar pas votimit në Kuvend për të zgjedhur anëtarët e rinj të Gjykatës Kushtetuese.
Përmes një njoftimi në “Facebook”, institucioni në fjalë shkruan se votimi i sotëm i Parlamentit “çon Shqipërinë përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratike”.
“Shtetet e Bashkuara mbeten të përkushtuara për të mbështetur ngritjen e një sistemi gjyqësor të pavarur dhe të ndershëm në Shqipëri”, thuhet ndër të tjera në njoftim.
Parlamenti zgjodhi ditën e sotme me 105 vota pro Elsa Toskën dhe Fiona Papajorgjin si dy anëtaret e reja të Gjykatës Kushtetuese. Ndërsa miratoi automatikisht propozimin e KED-së për zgjedhjen e Arta Vorpsit si anëtare e dytë e këtij organi të lartë gjyqësor.
Postimi i plotë:
Prej votimit unanim të reformës në drejtësi në 2016-ën, institucionet shqiptare, përfshirë edhe organet e reja të pavarura të gjyqësorit, kanë punuar fort për të përmbushur vullnetin e popullit.
Votimi i sotëm i Parlamentit çon Shqipërinë përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratike.
Shtetet e Bashkuara mbeten të përkushtuara për të mbështetur ngritjen e një sistemi gjyqësor të pavarur dhe të ndershëm në Shqipëri.
