Vallë ç’po ndodh me këngëtaret shqiptare?
Shumica e këtyre të fundit qysh në fillimet e karrierës na kanë njohur me “profilet” e tyre, përmendim këtu Xhensila Myrtezajn, Elvana Gjatën, e shumë emra të tjerë. Ato gjithnjë na kanë impresionuar me këngët e tyre dhe janë vlerësuar shumë nga publiku shqiptar dhe jo vetëm, me muzikën që kanë prodhuar.
Vetëm pak ditë më parë, Xhensila publikoi një foto provokuese dhe kaq mjaftoi që ndjekësit e saj të bënin reagime të tipit: Ua, fillove edhe ti të ekspozohesh?
Ndërsa së fundmi, një tjetër këngëtare është vënë në “shënjestrën” e përdoruesve të rrjeteve sociale. Po flasim kësaj here për Elvana Gjatën. Ajo pothuajse në të gjitha klipet e saj ruan me fanatizëm profilin e një këngëtareje me një look të këndshëm, por mbi të gjithash, të thjeshtë.
Bukuroshja aktualisht ndodhet në Stamboll, aty ku po xhiron klipin e ri, mirëpo një foto e saj që po bën xhiron në mediat rozë është ajo në të cilën këngëtarja shfaqet shumë ekstravagante.
Dhe pikërisht në këtë pikë vlen të theksohet fakti se ajo do shkaktojë “tërmet” me veshjen super joshëse dhe pamjen në këngën e saj të re. A ju pëlqen ky look i ri i Elvanës?
