Një nga filmat më të suksesshëm që po bën bujë në Shqipëri, por jo vetëm, është filmi “Dy gisht mjaltë”, me protagonistë kryesorë Elvana Gjatën dhe Ermal Mamaqin.
Sipas këtij të fundit, filmi është i dyti në Zvicër për numrin më të madh të biletave të shitura.
Posteri i “Dy gisht mjaltë” është shfaqur edhe në Festivalin e Kanës, ku duhet thënë se Elvana dhe Ermali kanë shkëlqyer. Këngëtarja është shfaqur me një fustan ngjyrë argjendi me xixa dhe gjysmë transparent, të stiluar nga Valdrin Sahiti. Flokët i kishte lënë lëshuar dhe shkëlqente teksa kalonte në tapetin e kuq e shoqëruar nga Ermali, i cili u shfaq me një kostum të zi.
Megjithatë, gjatë kalimit në tapetin e kuq, një incident ka ndodhur me Ermalin, i cili është penguar te shkallët.
“Hajt për hajër me ndonjë çmim ishalla! ‘2 gisht mjaltë’ së shpejti edhe në Angli, Itali, Greqi dhe Amerikë. E bëra vetë rrëzimin për syrin e keq”, ka shkruar me humor ai.
