Reforma në administratë ishte një nga pikat kryesore ku kryeministri Rama u fokusua gjatë fushatës elektorale, kjo reformë duket së do të vihet në zbatim që tani. Pas zgjedhjeve të 25 qershorit ku Partia Socialiste mori 74 mandate ku tregoi së është më e fortë se kurrë dhe kërkon të vërë menjëherë në zbatim planin e saj. Analistët në mediet flasin të gjithë se kjo reformë po bëhet për të spastruar të gjithë administratën nga militant e LSI-së apo dhe të partive të tjera që janë në koalicion. Pritet që reforma të zbatohet në disa drejtori në qarkun e Elbasanit. Këto drejtori drejtohen kryesisht nga përfaqësues të LSI.
Mes drejtorive përmenden Drejtoria e Shëndetit Publik, ISKSH, Sigurimet Shoqërore, Drejtoria e Hekurudhave, Drejtoria e Bujqësisë, Drejtoria e Ushqimit (AKU), OST (elektriku), Drejtoria e Postave etj.
Reforma pritet të prekë edhe drejtori të drejtuara nga vetë socialistët. Pas prishjes së koalicionit PS-LSI kanë nisur dorëheqjet në nivel dikasteresh qendrore siç janë ministritë. Kjo praktikë është e vlefshme si për ministritë teknike ashtu edhe për ministritë e drejtuara nga LSI, raporton infoelbasani.
Ky akt pritet të shoqërohet me një fazë të dytë atë të dorëheqjes së drejtuesve në nivel lokal. Por deri më tani ende nuk është krijuar qeveria e re dhe drejtorët vijojnë punën normalisht. Gjithsesi sinjalet e para janë dhënë.
