Një magazinë e cila përdorej për depozitimin e tapicerive është përfshirë nga flakët mbrëmë para mesnatës. Ngjarja ka ndodhur në Elbasan, në lagjen “Shënkoll”.
Sipas informacioneve, magazina ishte në pronësi të shtetasit Leonard Mustafai. Si pasojë e zjarrit, raportohen dëme të shumta materiale të cilat kapin vlerën e disa mijërave eurove.
Sapo kanë marrë njoftimin, në vendngjarje kanë mbërritur zjarrfikësja dhe punonjësit e policisë, të cilët kanë arritur të vënë në kontroll vatrën e zjarrit. Ende nuk informacione për shkaqet e zjarrit, teksa policia konfirmon se ngjarja është nën hetim.
