Gjykata e Fierit ka dhënë ditën e sotme masën e dënimit për 3 të rinjtë, të cilët akuzohen për vrasjen makabre të 50-vjeçares, Drita Saliaj.
Raportohet se prokurori i çështjes ka kërkuar arrest me burg pa afat për tre të rinjtë, vendim i cili u pranua edhe nga gjyqtarja.
Luis Saliaj 16 vjeç, Elvis Zotaj 26 vjeç dhe Sindi Shehaj 16 vjeç shkuan në banesën 50-vjeçares për ta grabitur, ndërsa nipi i bashkëshortit të saj ka deklaruar se nuk e dinte që ajo ndodhej në shtëpi. Sipas deklaratave të tij, ata nuk kanë dashur ta vrasin por ‘janë detyruar’ pasi 50-vjeçarja e ka njohur dhe ka filluar të bërtasë.
Pas kryerjes së krimit, 3 djemtë e lidhën viktimën me litar dhe e hodhën trupin e saj në rezervuarin e Gjerbës.
