Kriminelët më të mëdhenj në histori, konsiderohen njerëz si Hitleri apo Stalini. Por ata nuk i kanë kryer vrasjet personalisht. Njëri ndër vrasësit kryesorë të Stalinit ishte Vasilij Blokhin. I lindur në një familje fshatare ruse më 1895, Blokhin i ngjiti shpejt shkallët e karrierës në policinë sekrete, falë vrasjeve gjakftohta dhe torturave mizore.
Ai llogaritet të ketë ekzekutuar personalisht rreth 10 mijë njerëz. Ekzekutoi me dorën e tij 7 mijë polakë në Pyllin e Katinit brenda 28 ditësh. Blokhin punonte gati pa ndërprerje çdo natë, duke vrarë mesatarisht 300 njerëz, me nga një plumb pistolete pas koke. Për këtë u dekorua nga Stalini me Urdhrin e Flamurit të Kuq.
Pas vdekjes së Stalinit më 1953, u detyrua të tërhiqej. Një kombinim i pijeve dhe çmendurisë, thuhet se çoi në vdekjen e Blokhin 2 vjet më vonë, shkaku i të cilës është klasifikuar zyrtarisht si vetëvrasje.
