Një shqiptar është dënuar me 19 vite burg në Angli, për vrasjen e bashkëshortes së tij më 17 qershor të këtij viti.
Ngjarja në fjalë ndodhi në Oxford, ku Fatos Xheta, 46 vjeç qëlloi me thikë kuzhine bashkëshorten Safie Xheta, 35 vjeç. Sipas mediave vendase, gruaja u gjet me plagë të shumta thike në trup, ndërsa pas këtij akti bashkëshorti ka filluar të lëndojë edhe veten.
Gjykata arriti në përfundimin se Xheta ishte xheloz për gruan e tij, gjë e cila u vu re edhe në shënimet e gjetura në banesë. “Tradhtia shlyhet vetëm me vdekje”, është një prej shënimeve që është gjetur në shtëpinë e tij, shkruar në gjuhën shqipe.
