Një 42-vjeçar shqiptar është ekzekutuar në rrethana ende të paqarta mbrëmjen e së hënës në qytetin Krefeld të Gjermanisë. Ngjarja ndodhi pak para orës 20:00, në një nga rrugicat e qytetit. Viktima, emri i të cilit nuk bëhet i ditur, po udhëtonte me biçikletë.
Të shtënat me armë, kanë bërë jehonë në qendër të qytetit të hënën mbrëma. Sipas informacioneve të BILD, pak para orës 20:00, një çiklist në pjesën jugore të qytetit në Garnstraße u godit nga disa të shtëna. Shqiptari u rrëzua në mes të rrugës.
Autori ose autorët mësohet se e kanë qëlluar në pjesën e pasme të kokës, nga një distancë e shkurtër.
“Kishte një vrasje”, ka konfirmuar deri tani një zëdhënës i policisë. Nuk ka detaje të mëtejshme, ndërsa policia ka rrethuar vendin e krimit.
Aktualisht po vijojnë kërkimet për autorin ose autorët e arratisur. Deri më tani nuk ka asnjë arrestim.
Burimi i lajmit: BILD. Përshtatur nga Tirana Today
