Të paktën gjashtë ushtarë afganë u vranë nga një sulm me makinë bombë që shënjestroi një kompleks ushtarak në provincën veriore Balkh.
Pasi bomba shpërtheu, një grup militantësh sulmuan kompleksin, tha ministria e Mbrojtjes përmes një deklarate, duke e quajtur incidentin si “sulm terrorist”.
Të paktën tre ushtarë u plagosën, gjatë luftimeve pasuese midis militantëve dhe forcave të sigurisë afgane.
Ende askush nuk e ka marrë përgjegjësinë për sulmin, por ministria dhe zyrtarët afganë fajësuan militantët talibanë, shkruan “Rel”.
Grupi i talibanëve vazhdojnë të organizojnë sulme pothuajse na baza ditore, duke shënjestruar forcat afgane dhe amerikane, si dhe zyrtarët qeveritarë.
Në të njëjtën kohë grupi militant zhvillon bisedime paqeje me një të dërguar të SHBA-së, i ngarkuar me negociatat për t’i dhënë fund konfliktit ushtarak në Afganistan.
