Policia e Shtetit duket se po shkon drejt zbardhjes së atentatit ndaj Ferdinand Polisë, i njohur ndryshe si ‘Nardi i Bujtinave’.
Sot është shpallur në kërkim autori i ngjarjes, me inicialet K.S., dhe janë arrestuar tashmë 3 bashkëpunëtorët e tij, shtetasit G. T., 26 vjeç, K. T., 29 vjeç, A. M., 20 vjeç.
‘Dritare.net’ ka kontaktuar me vëllain e të ndjerit, Pavlin Polinë, i cili në një prononcim ekskluziv ka thënë se i vëllai nuk ka patur konflikte me asnjë nga të dyshuarit.
“Ne si familje përgëzojmë punën e shtetit. Nuk di se kemi konflikte me asnjë të dyshuarit që më treguan. Ne besojmë se kanë ngatërruar personin, gjithsesi ne nuk bëhemi si ata, sido që të jetë puna e kushdo që të jetë përfshirë në këtë ngjarje. Me shpresën që të zbardhet kjo ngjarje sa më parë, falenderoj ata që po na gjenden në këtë mort, që i mori jetën vëllait tonë”, është shprehur Pavlin Polia.
