Ekzekutimi i Hekuran Billës/ Ja çfarë i nxori zbuluar atentatorët e tij

Zbardhen detaje të reja lidhur me atentatin e ndodhur dy net më parë në Komunën e Parisit në Tiranë, ku mbeti i vdekur Hekuran Billa.

Më herët ditën e sotme u identifikua autori i kësaj vrasjeje, i cili rezultoi të ishte Viktor Marku. Ky i fundit është vëllai i 22-vjeçarit, Prel Marku që u vra në një lokal në Angli nga Hekuran Billa.

Mësohet se autori i vrasjes është ndihmuar edhe nga dy bashkëpunëtorë. Njëri prej tyre drejtonte mjetin tip “Benz” me portopagazh ,me të cilin u krye vrasja, ndërsa tjetri i ndihmoi për t’u larguar nga Peza e Vogël, ku dogjën mjetin dhe armën e krimit.

Sipas BalkanWeb, një ndër arsyet që çoi në identifikimin e autorit ishte mënyra e ngjashme e atentatit, me ekzekutimin e Prel Markut, në vitin 2006 nga Billa.

Autorët kanë zgjedhur ta vrasin 40-vjeçarin shumë pranë familjarëve të tij, njëlloj siç u ekzekutua 22-vjeçari Marku, në një lokal në Angli.

Policia ka shpallur në kërkim 34-vjeçarin, Viktor Marku dhe ka njoftuar pikat kufitare që të mos lejojnë largimin e tij jashtë vendit.