Më datën 30 maj, në Laç u ekzekutua Bujar Lika dhe Paulin Gjergji.
Ndërkohë së fundmi është arrestuar një tjetër person, i cili dyshohet se është pjesë e grupit me 4 individë që kryen atentatin.
Bëhet fjalë për Ilir Xhepajn.
Sipas policisë, Ilir Xhepaj, së bashku me një person tjetër, kanë hyrë brenda në hotelin “A&A” duke ndihmuar të plagosurin Eduard Lamaj, pasi gjatë shkëmbimit të zjarrit me Bujar Hasanin, mbeti i dëmtuar me një plumb.
Kujtojmë se ai nuk është një emër i panjohur për drejtësinë.
Madje konsiderohet si person i rrezikshëm në Mamurras dhe Kurbin.
Xhepaj është nga fshati Gjorm, i Mamurrasit. Ai kishte vetëm tre muaj që ishte liruar nga burgu dhe bënte një jetë mes Tiranës, Laçit dhe Lezhës.
Raportohet se ishte dënuar më herët për grabitje me armë në vitin 2012-të në Kurbin, e po ashtu për një plagosje në Fushë-Krujë.
