Para disa ditësh, një sërë akuzash u ngritën ndaj Presidentit të Kosovës Hashim Thaçi dhe kreut të PDK-së Kadri Veseli.
Ata akuzohen për krime lufte, vrasje të paligjshme, zhdukje të detyruar të personave, përndjekje dhe tortura.
Por çfarë pritet që të bëjë ditën e sotme Thaçi?
Rikujtojmë se, Presidenti i Kosovës ashtu siç ka paralajmëruar edhe më herët, sot në mbrëmje do prononcohet publikisht nga zyra e tij për akuzat e shumëpërfolura.
Ja postimi i tij i datës 26 qershor:
“Motra dhe vëllezër,
Miq të dashur,
Sapo kam zbritur në Aeroportin “Nëna Terezë” në Tiranë, ndërkaq, të dielën në mbrëmje do t’ju drejtohem me një fjalë nga zyra ime.
Ju uroj një fundjavë të qetë dhe mbetem me shpresë të plotë se ditët më të mira për Kosovën dhe kombin shqiptar i kemi përpara.
Gjithmonë i juaji, deri në fund,
Hashimi”.
