E diel, 16 Janar, 2022
-3.5 C
Tirana

Ekstradimi i Llallës çështje ditësh, nisin kontaktet me palën italiane

Ish-kryeprokurori Adriatik Llalla, pas dy muajsh në kërkim, i janë vënë prangat në Romë të Italisë, ku dhe ka qëndruar përgjatë këtyre javëve që ishte në arrati. Interpol Tirana publikoi njoftimin mbi arrestimin e ish-kryeprokurorit Adriatik Llalla. Në njoftim bëhet me dije se është bërë i mundur arrestimi i Llallës në Romë, pasi Gjykata e Posaçme e Shkallës së Parë për Korrupsionin dhe Krimin e Organizuar e ka dënuar me dy vite burg, për veprën penale refuzimi për deklarim, mosdeklarimi, fshehja ose deklarim i rremë i pasurive, interesave private të personave të zgjedhur dhe nëpunësve publikë.

“Një tjetër person në kërkim ndërkombëtar bie në pranga, falë shkëmbimit të informacionit mes Interpol Tiranës dhe zyrës homologe të Interpol Romës. Kapet në Itali, me qëllim ekstradimi drejt Shqipërisë, shtetasi shqiptar Adriatik Llalla, 52 vjeç, banues në Tiranë. Ky shtetas ishte shpallur në kërkim ndërkombëtar nga ZQK Interpol Tirana, pasi Gjykata e Posaçme e Shkallës së Parë për Korrupsionin dhe Krimin e Organizuar e ka dënuar me 2 vite burg, për veprën penale “Refuzimi për deklarim, mosdeklarimi, fshehja ose deklarim i rremë i pasurive, interesave private të personave të zgjedhur dhe nëpunësve publikë. Falë informacioneve të marra nga strukturat e Policisë së Shtetit, për vendndodhjen e këtij personi, si dhe shkëmbimit të informacionit mes Interpol Tiranës dhe Policisë italiane u bë i mundur lokalizimi dhe arrestimi i tij, me qëllim ekstradimi drejt vendit tonë”, thuhet në njoftim.

SPAK dorëzon dosjen në Ministrinë e Drejtësisë

Në njoftimin e SPAK, theksohet se ish-kryeprokurori Adriatik Llalla është arrestuar në datën 10 dhjetor nga autoritetet italiane, me qëllim ekstradimin e tij drejt Shqipërisë. Prokuroria e Posaçme kundër Korrupsionit dhe Krimit të Organizuar ka nisur procedurat për ekstradimin e ish-kryeprokurorit Adriatik Llala. SPAK i ka dërguar Ministrisë së Drejtësisë kërkesën për të nisur procedurat për ekstradimin, ish-kryeprokurorit Adriatik Llalla. Në njoftimin e SPAK thuhet se do të jetë Ministri i Drejtësisë, Ulsi Manja, i cili në rrugë diplomatike do të çojë në Romë kërkesën për ekstradimin, e ndërsa është Gjykata italiane duhet që të vendosë një masë sigurie me afat 40 ditor për ish-kryeprokurorin, deri në ardhjen e dosjes me provat dhe faktet për akuzat që rëndojnë për Llallën. “Me datë 13.12.2021 Prokuroria e Posaçme kundër Korrupsionit dhe Krimit të Organizuar mori njoftim nga Zyra Qendrore Interpol Tirana se në datë 10.12.2021 autoritetet policore italiane kanë arrestuar me qëllimin ekstradimin në vendin tonë shtetasin Adriatik Llalla. Sot në datë 14.12.2021 Prokuroria e Posaçme i ka sjellë Ministrisë së Drejtësisë dokumentacionin e nevojshëm për ekstradimin e shtetasit Adriatik Llalla nga Italia në Shqipëri”, thuhet në njoftim.

Gjykata i komunikoi ‘masë arresti’, por rri në banesë për shkak të shëndetit

ish-Prokurori ka shkuar dhe është paraqitur tek autoritetet italiane për të kërkuar azil politik. Të njëjtat autoritete kanë bërë një verifikim të identitetit të tij, dhe më pas i kanë komunikuar masën e arrestit, pasi Llalla është në kërkim ndërkombëtar sipas një urdhër të SPAK.

Më pas Llala është paraqitur në gjykatë, në të cilën ka dorëzuar një dokumentacion që tregon gjendjen e tij shëndetësore. Gjykata e Romës është njohur me një ndërhyrje kirurgjikale që ai ka bërë në Gjermani, dhe ka konstatuar se nuk është mirë nga ana shëndetësore.

Për këtë arsye, gjykata e ka lënë të lirë që të jetojë në banesën e tij, me detyrimin që të mos largohet nga qyteti i Romës dhe ka urdhëruar që t’i merret pasaporta. Adriatik Llalla është ende në ‘mbrojtje ndërkombëtare’ që është një statut që i jepet një personi që kërkon azil politik, nëse plotëson kushtet.

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...