Një shpërthim me eksploziv ka ndodhur mbrëmë në Lushnje, pak para mesnatës. Mësohet se persona të paidentifikuar i kanë vënë eksploziv një automjeti, i cili është në pronësi të 20-vjeçarit, Arbër Shurdhit.
Nuk dihet shkaku i vënies së eksplozivit, ndërsa policia po heton për zbardhjen e ngjarjes.
Informacion paraprak
Në datën 22.01.2018, ora 23:45, në lagjen “18 Tetori” Lushnje, është dëmtuar lehtë mbi kofon me lëndë plasëse e dyshuar eksploziv, mjeti tip “Volkswagen” në pronësi të shtetasit A.Sh, 20 vjeç, i cili e kishte parkuar mjetin para banesës.
Grupi hetimor po punon për zbardhjen e ngjarjes, identifikimin dhe kapjen e autorëve.
