Mijëra njerëz raportohen se janë larguar nga enklava e Ghoutas Lindore këtë të enjten. Kjo shpërngulje masive mendohet të jetë një eksod masiv i civilëve jashtë zonës së rrethuar. Kjo është raportuar nga televizioni shtetëror sirian dhe grupet ndërkombëtare të monitorimit.
Agjencia siriane e lajmeve SANA raporton se më shumë se 10,000 persona janë arratisur nga pjesët e kontrolluara nga qeveria në kryeqytetin sirian përmes korridorit “Hamoriya” të enklavës. Observatori Sirian për të Drejtat e Njeriut me bazë në Mbretërinë e Bashkuar ka raportuar se kjo shifër është më e madhe.
Sipas tij, ajo shkon në 12, 500 persona që janë larguar dhe kjo duhet konsideruar si një eksod masiv. Imazhet e transmetuara nga televizionin shtetëror tregojnë situatën ku qindra njerëz lënë enklavën duke u larguar në këmbë , ndërsa një pjesë tjetër arratisen përmes kamionave.
Agjencia e OKB-së për fëmijët tha se po ndihmonte familjet dhe fëmijët në tre strehimore në Damask, në zonat periferike dhe në pikat e pritjes jashtë enklavës. Eksodi civil vjen disa orë pas raportimeve të sulmeve ajrore të intensifikuara gjatë natës në Ghouta Lindore.
Ghouta Lindore ka qenë objekt i një sulmi të përtërirë të qeverisë që ka lënë më shumë se 1,000 civilë të vdekur që kur filloi muajin e kaluar, sipas burimeve të shumta, duke përfshirë edhe Mjekët pa Kufij. TIRANA TODAY.
