Komisioni hetimor për ish-ministrin e Brendshëm, Saimir Tahiri duket është “plotësuar” edhe me emrat e deputetëve socialistë. Pas emrave të deputetëve të PD dhe LSI, ka siguruar edhe emrat e anëtarëve të PS.
Partia Socialiste, ka përcaktuar anëtarët e komisionit të posaçëm parlamentar të kërkuar nga Partia Demokratike, që do të hetojë mbi rolin e institucioneve dhe funksionarëve publikë në atë që PD-ja e quan kanabizimi i vendit dhe në rolin e mundshëm që mund të ketë patur ish-Ministri i Brendshëm Saimir Tahiri në këtë mes.
Nga Partia Socialiste, anëtarët do të jenë: Ermonela Felaj, Klotilda Ferhati, Pjerin Ndreu, Paulin Sterkaj, Xhemal Qefalia, Bashkim Fino.
PD ka 4 anëtarë në këtë komision ndërsa LSI 1. Opozita ka kryetarin e komisionit, ndërsa Partia Socialiste ka shumicën.
Anëtarët nga PD janë Enkelejd Alibeaj, Myslim Murrizi, Flamur Noka dhe Edi Paloka, ndërsa nga LSI do të jetë Endrit Brahimllari.
