Pas vendosjes së tritolit në shtëpinë e Ramazan Muçës, gjyshit të Xhisiela Malokut, ka ardhur edhe ragimi i kësaj të fundit. Ajo akuzon Partinë Demokratike, pasi sipas saj familjarët nuk kan konflikte me persona të tjerë. Dhe se ky ishte një sulm ndaj saj.
“Rreth orës 23:08 isha në shtëpi së bashku me gjyshen, gjyshin, mamin dhe motrën. Dëgjojmë një shpërthim, dal dhe shoh që e kishin hedhur pas makinës time. Nuk e kuptuam se nga erdhi, sigurisht që u trembëm, veçanërisht familjarët. Ishte një shpërthim i fuqishëm, por nuk kishte dëme materiale.
Mendoj që ky është një kundërsulm i atyre që donin të na ngatërronin me persona të pafajshëm. Dhe normalisht e bëjnë ato që kanë dalë një bllof i vërtetë nga kjo histori e për të fajësuar ata njerëz që nuk kanë asnjë faj. Sipas meje ky është një sulm i PD-së, nga askush tjetër.
Jam e sigurt që janë ata sepse unë dola në media dhe thashë atë që ishte e vërteta, ata dolën bllof, edhe tani më sulmojnë mua për të fajësuar të tjerët.” TIRANA TODAY
