Pas dhunës të denoncuar publikisht nga Shiqere dhe Xhavit Baftjari ndaj djalit të tyre Mondit, ky i fundit ka reaguar ekskluzivisht për Tirana Today. Sipas tij gjithçka është një gënjeshtër dhe se ai nuk ka ushtruar asnjëherë dhunë ndaj familjarëve të vetë. Përkundrazi ata e kanë goditur. Mondi shprehet se do të padisë edhe gazetarët të cilët sipas tij, kanë shpifur dhe njollosur imazhin.
“Ishte një akuzë kot, një shpifje e madhe. Del nëna dhe flet në atë mënyrë, ndoshta ka qenë e ndikuar dhe nga të tjerë. Jam ndjerë i fyer.
Nuk e di ajo gazetarja problemin më shumë sesa e di unë, sesi janë prindërit apo familja ime. Ato morën vetëm një anë dhe pastaj kthehen edhe mi hedh mua të gjitha ato akuza. Janë shpifje pa asnjë të vërtetë. Edhe gazetarët i kanë dhënë shtysë këtyre gënjeshtrave. Edhe pse thanë që më kishin telefonuar, mua ata nuk më kanë kontaktuar fare. As nuk më kanë pyetur për marrëdhënien me prindërit, apo sesi është muhabeti.
Edhe ato fotot që kanë publikuar sikur është motra ime, nuk janë të vërteta. Ajo nuk është motra ime, unë nuk e di se kush është ai personi në foto. Imagjino mua për këtë histori ma treguan të tjerë dhe kur e pash atë person në foto u habita, se nuk e njoh.
Unë prindërit e mi i fal, por gazetarët do t’i padis për arsye se kanë bërë komplet fallco.”
“Po njëllosin imazhe të pafajshme me shpifje”
Ndërkohë që prindërit e Mondit akuzuan edhe imamin e Xhamisë tek Rruga e Kavajës, Ahmed Kalaja, se ka shkuar në shtëpi e kërkonte të martonte dy vajzat e familjes, ai i hedh poshtë si akuza.
“Imami Kalaja nuk është pjesë fare e këtij muhabeti. Unë thjesht shkoj dhe falem në Xhami. I njoh pothuajse të gjithë imamët, por kjo nuk ka asnjë lidhje. Janë thjesht thashetheme. Ai sigurisht që ka ardhur në shtëpi, si shumë miq e persona të tjerë. Sepse ne nuk jetojmë në xhungël, por kjo nuk do të thotë që ka dashur të martojë motrat e mija. Kurse unë, siç do vëlla që do të mirën e familjes, normal që do ndërhyjë për motrën. Imami Kalaja nuk qëndron në asnjë vend në këtë mes. Është një gënjeshtër dhe mashtrim shumë i madh, që këta duan të bëjnë lajm.”
Prindërit më kanë lënë me shenja
Prej 7 vitesh Mondi së bashku me bashkëshorten u ndanë nga shtëpia e prindërve. Por, kjo gjë sipas tij shkaktoi më shumë probleme.
“Nuk donin nusen, madje tre motrat e mija i kanë gjuajtur në prezencë të fëmijës 1 vjeç. madje as fëmijët e mi, nuk i donin as motrat e as prindërit. Dhe ndaj e pashë të arsyeshme, sa të rrija e të merresha me këto, i thashë që secili të shohë punën e vetë. Ia lashë prindërve shtëpinë, madje edhe dhomën ia lash siç ishte.
Dhe ika në shtëpi më poshtë. Unë kaloj në rrugën time e as nuk i kam shkuar në shtëpi. Por kur jam ndonjëherë duke punuar, ata vijnë e duan të më godasin e më thonë të iki. Sepse ata nuk më lejojnë të kalojë në rrugën ku kanë shtëpinë. Ata ndaj meje kanë ushtruar shumë herë. Më kanë goditur me gurë, me hu apo edhe llastikë. Ama unë dhunë ndaj prindërve nuk kam ushtruar asnjëherë.” TIRANA TODAY
