Opozita e bashkuar vendosi njëzëri ditën e sotme (e hënë) për të djegur mandatet e deputetëve. Kryeministri Edi Rama është vënë në lëvizje menjëherë pas këtij vendimi që erdhi pas thirrjes së bërë nga Lulzim Basha.
Duket se një skenar i ri po del në sipërfaqe. Deri në organizimin e zgjedhjeve të gjitha palët duket se kanë rënë dakord për një qeveri tranzitore dhe më tej kanë nisur tratativat për emrin e një kryeministri të ri. Porse Rama nuk mund të jetë kategorik për të përcaktuar drejtuesin e kësaj qeverie, pasi i zgjedhuri lipset të jetë i pranueshëm nga të gjitha palët. Por cila ëshë kandidatura e parë?
Është deputeti i PD, Romeo Gurakuqi që ka zbuluar këtë skenar. Burime për Tirana Today bëjnë me dije se ka qenë Presidenti Ilir Meta që ka propozuar një emër për të drejtuar qeverinë tranzitore. Ky emër është Ditmir Bushati ish-ministri i Jashtëm i shkarkuar nga Rama.
Emri i tij nuk është lidhur asnjëherë me krimin dhe drogën dhe shihet si një kandidaturë që mund të drejtojë vendin deri në zgjedhjet e parakohshme.
Porse e lexuar në statusin e Gurakuqit ne facebook, duket se Partia Demokratike nuk është dakord.
“Te mos mendojne dikush nga zedhenesit e perkushtuar te Ortakerise, qe kriza do te zgjidhet duke zevendesuar djalin aventurier te anetarit te Presidiumit te Kuvendit Popullor, me djalin “patriot” te anetarit te Komitetit Qendror.
Eshte vecse nje manover qesharake e papranueshme, nje levizje foshnjerake e aktoreve te lidhjeve te vjetra.
Dirigjenti dhe violina e pare e orkestres se grabitjes se mandateve ne zgjedhjet e 25 qershorit 2017, jane njelloj pergjegjes per ndertimin e piramides ilegjitime te pushtetit socialist.
Madje, askush nga pergjegjesit e drejtperdrejte te krimit elektoral, te grabitjes se parase publike, te ndertimit te ndermarrjeve dhe bankave fantazme, nuk do te jete i pranueshem si trampoline e zgjidhjes se krizes.
Qeveri tranzitore eshte para se gjithash nje qeveri e njerezve patriote, te ditun dhe te ndershem; nje ekip teknicienesh te paanshem dhe racionale, qe do te kene si mision, te vendosin ne balance Shtetin dhe nen- sistemet e tij perberese, te deformuara ne menyren me te pangjashme, nga veprimi irracional dhe i kompromentuar, i njeriut qe drejtoi per 6 vite qeverine.
Asnje kompromis i ketij lloji nuk e shpeton kete legjislature nga asgjesimi. Vetem nje zgjidhje e vertete dhe thelbesore, qe perjashton nga vendimarrja, politikanet delinkuente te kapur ne vjedhje dhe pergjime me bandat, mund te jete e pranueshme.
Problemi themelor mbetet pikasja Kryeministrit te duhur, atij te paanshmit dhe te pakapurit prej Ortakerise se kompromiseve te paprincipta.
Koha e numerimit mbrapsht per Grupimin Socialist tashme ka filluar. Opozita Demokrate e tha fjalen e vet.
Te enjten populli do thote kumtin e tij, pavaresisht nese KM do ta mbaje ose jo, telefonin ne veshin e tij te majte.” TIRANA TODAY
