Në hotel ‘Tirana’ po festohet ditëlindja e 78 e nderit të kombit Reshat Arbana. Aktori i madh është shoqëruar nga familjarë, njerëz të artit e të kulturës dhe politikanë në këtë darke magjike.
Mes të ftuarve të veçantë të aktorit binte në sy, artisti i popullit, Luftar Paja bashkë me djalin e tij, Gazmend Paja, gjithashtu të pranishëm ishin studiuesi Përparim Kapo dhe shkrimtari Agim Doçi.
Në këtë mbrëmje festive morën pjesë dhe politikanë si ministrja e Kulturës, Mirela Kumbaro dhe kryebashkiaku i Tiranës Erjon Veliaj. Ishte Bashkia e Tiranës ajo që mundësoj organizimin e kësaj mbrëmje për ditëlindjen e artistit Reshat Arbana.
Politikanët së bashku më artistët nuk kanë nguruar të dalin në pistë dhe të kërcejnë krah për krah njëri-tjetrit.
Tirana Today ka mundur të sigurojë disa foto ekskluzive nga kjo darkë e veçantë që po i bëhet aktorit të madh.
Kujtojmë së Reshat Arbana është një aktor që ka sfiduar të gjitha sistemet politike. Me fuqinë e ti artistike ka fituar zemrat e të gjithë shqiptarëve dhe mbetët një nga ikonat e kinematografisë tonë. TIRANA TODAY
