Një 42-vjeçar banues në Koplik, është arrestuar nga uniformat blu për llogari të drejtësisë italiane .
Nga shërbimet e Komisariatit të Policisë Shkodër në bashkëpunim me Forcën e Posaçme Operacionale dhe Specialistët e Zyrës së Interpol Tirana u bë arrestimi i shtetasit Edmond Como, i shpallur në kërkim ndërkombëtar.
Burime konfidenciale për “Tirana Today”, kanë bërë më dije se Como, gjatë intervistimit pas arrestit ka pranuar se ka qenë i dënuar në Itali me 16 vjet burg.
Po ashtu, në komunikatë thuhet se ndaj këtij shtetasi, Gjykata e Leçes në Itali ka lëshuar urdhërin e arrestit ndërkombëtar me nr. 1379 datë 11.04.2017 për veprën penale “Vjedhje me dhunë e kryer në bashkëpunim” parashikuar nga nenet 81, 56 dhe 629 të Kodit Penal Italian.
Policia thotë se “në shtetin italian personi i lartpërmendur njihet si anetar i grupeve të rrezikshme të krimit të organizuar si dhe është i dënuar më parë po në këtë shtet”.
Nga ana tjetër, në shtypin Italian por dhe nga burrimet konfidenciale, Como dyshohet se është një përson i cili ndërmjetësonte bashkëpunimin e disa grupeve kriminale shqiptare me disa grupe kriminale në shtetin fqinj.
Ndalimi i 42 vjeçarit u bë me qellim ektradimin drejt Italisë. Materialet do ti kalojnë Prokurorisë së Rrethit Gjyqësor Shkodër për veprime të mëtejshme.
