Ekonomisti Besart Kadia ka folur për financimin e partive politike, fushatave elektorale dhe domosdoshmërinë për parti të reja në Shqipëri.
I pyetur nga gazetari se sa duhet të paguajë një person për të siguruar mandatin e deputetit, Kadia tha se kjo nuk është pjesë e studimit, por u shpreh se një personi që do t’i futet politikës, duhet të paguajë nga 100-300 mijë euro që të shpenzohen për fushatë.
“Blerja e mandatit të deputetit nuk është pjesë e studimit. Në këtë performancë, në këtë sistem, një person që do t’i futet politikës duhet të paguajë nga 100 mijë euro deri në 300 mijë euro që të shpenzohen për fushatën. Fushata nuk kushton 1.8 milionë euro dhe ky është një fakt dhe që vërteton faktin se këto parti kanë nevojë për financim. Kuotat e financimit janë 10 herë më të ulëta se sa kushton në të vërtetë një fushatë”, deklaroi Kadia.
