Pas publikimit të raportit nga Banka Europiane për Rindërtim dhe Zhvillim (BERZH), ka reaguar Kryetari i PD-së Lulzim Basha.
Në raportin e BERZH theksohej se ekonomia shqiptare do të pësojë rënien më të thellë në rajon:
“Ekonomia e Shqipërisë ka të ngjarë që të goditet fort nga epidemia për shkak të varësisë së saj të lartë nga turizmi dhe eksporteve me vlerë të ulët të mallrave ndërmjetëse me destinacion industrinë e modës në Itali”.
Ndërkohë kreu i opozitës, përmes një postimi në rrjetin social Twitter fajëson kryeministrin Edi Rama për tkurrjen me 9% të ekonomisë shqiptare.
“Ekonomia jonë pritet të tkurret me 9%, më keq se në çdo vend tjetër, sepse RAMAVIRUSI zgjodhi të paguajë me paratë e shqiptarëve miqtë e tij oligarkë dhe jo njerëzit e bizneset. Prej RAMAVIRUSIT njerëzit janë sot pa punë, të varfëruar dhe pa asnjë mundësi të përballojnë krizën”, shkruan Basha.
Ekonomia jonë pritet të tkurret me 9%, më keq se në cdo vend tjetër, sepse RAMAVIRUSI zgjodhi të paguajë me paratë e shqiptarëve miqtë e tij oligarkë dhe jo njerëzit e bizneset. Prej RAMAVIRUSIT njerëzit janë sot pa punë, të varfëruar dhe pa asnjë mundësi të përballojnë krizën. pic.twitter.com/7lejs9uycK
— Lulzim Basha (@lulzimbasha_al) May 13, 2020
