Myrto Uzuni feston në grumbullimin e Kombëtares datëlindjen e tij të 24, i veshur në ngjyrat kuqezi. Një ëndërr e bërë realitet kjo e një djaloshi nga Uznova e Beratit, që teorikisht e shihte që të pamundur për të mbërritur deri në këtë pikë.
Por fati është me më të guximshmit dhe përkushtuarit, prandaj nuk mund të qëndronte pa i dhënë hakun Myrtos. Me kalimin te Lokomotiva e Zagrebit do të vinte edhe zhurma e madhe për të, duke qenë një nga futbollistët më të mirë të futbollit kroat, por për të mbërritur edhe ftesa nga Shqipëria.
Një reagim prekës ka ardhur edhe nga babai i lojtarit, Artan Uzuni, i cili shkruan: “Eh bab, i kalove të gjithë pritshmëritë e mia dhe unë me të drejtë ndihem krenari që jam babai yt. 24 vjeç sot bab dhe nuk arrij ta besoj që po jetoj në kohën tënde dhe po përjetoj lumturinë dhe krenarinë që çdo prind ëndërron”, thotë mes të tjerash babai i Myrtos.
