Një punonjës i Policisë në Tiranë ka rezultuar pozitiv në testin e COVID-19.
“ABC News” bën me dije se nga 190 të prekur në Tiranë, njëri është polic në drejtorinë vendore të Policisë së Shtetit.
“Javën e kaluar i është marrë tamponi sepse ka pasur dyshime prej simtomave që ka krijuar. Polici në fjalë qëndron tek pritja e qytetarëve apo kontrolli i automjeteve që u bëhet atyre që hynë në drejtorinë e policisë. Pritet gjithashtu që të dalin përgjigjet për 5 policë të tjerë”, raporton “ABC News”.
Këta janë persona me të cilët efektivi ka pasur kontakte më të afërta si dhe persona të tjerë me të cilët ka ndryshar turnin.
Aktualisht polici i infektuar është vetë-karantinuar bashkë me familjarët e tij, të cilët deri më tani nuk kanë pasur simptoma.
