Edmond Panariti ka vendosur që të ndërpresë angazhimin e tij me LSI-në. Lajmin e ka përcjellë vetë ai, përmes një njoftimi në rrjetet sociale, ku shkruan se arsyeja është sepse ka marrë një ftesë për t’u angazhuar në një detyrë të rëndësishme. Burime për Report Tv bëjnë me dije se Panariti do të shkojë në Presidencë.
Edmond Panariti, ish-ministri i Bujqësisë i propozuar nga LSI-ja në katër vitet e qeverisjes së kësaj force me Partinë Socialiste, nuk do të jetë më pjesë e strukturave. Ai ka shprehur falenderimet për këtë rrugëtim 16 vjeçar.
Statusi
Të dashur miq, kolegë dhe bashkëpunëtorë!
Që nga dita e sotme kam vendosur të ndërpres angazhimin tim si pjesë e strukturave të Lëvizjes Socialiste për Integrim, për shkak të një ftese për tu angazhuar në një detyrë të rëndësishme.
Me këtë rast më lejoni t’ju falenderoj përzemërsisht për këtë rrugëtim 16 vjeçar të përbashkët, plot sfida, sakrifica dhe arritje.
Duke ju shprehur mirënjohje dhe falenderim për miqësinë vlerësimin dhe mbështetjen, ju siguroj që do të mbetem miku juaj përherë.
